O CMD obtivo en 2014 a Gold Label, medalla de ouro á excelencia na xestión. Convértese no único Clúster da industria da madeira de Europa que obtén este recoñecemento, que certifica que os proxectos que está a desenvolver esta entidade están ao máis alto nivel competitivo. En España, dos 180 clusters que existen, só tres están acreditados como Gold Label pola Secretaría Europea de Análise de Clústeres. Dous deles están en Galicia: Madeira e Automoción.

Este premio supón ter acceso preferente ás axudas á innovación da Unión Europea a través do programa Horizonte 2020 e COSME.