O primeiro socio de honra do CMA non podía ser outro como Xosé Otero Pombo, polo seu valioso labor promovendo e apostando polo uso da madeira como material de construción ao longo da súa longa traxectoria profesional.

Otero Pombo ten a madeira como un dos eixos fundamentais nos que se basean as súas obras.

Arquitecto e investigador da Universidade da Coruña, Xosé Lois Martínez ten a madeira como referente nas súas obras, tanto profesionais como académicas. Promotor e defensor de numerosos proxectos realizados neste material.

Ademais, Xosé Lois caracterizouse por facer unha defensa convencida deste material en todas as súas intervencións públicas.

Na súa terceira edición, o recoñecemento de socio de honra recaeu no Consorcio de Santiago de Compostela por ter a madeira como referente na rehabilitación de edificios históricos que promove e por facer unha defensa convencida deste material ante a sociedade.

O Consorcio transmitiu á perfección a importancia dunha construción sostible e respectuosa co medio ambiente para unha cidade histórica e a promoción de novas personalidades que aposten por este material.

O Grupo Inditex foi elixido este ano como socio de honra pola realización de actuacións moi concretas para acadar a eficiencia enerxética, o que demostra o seu compromiso co medio ambiente: construción de tendas sostibles, uso de materiais respectuosos co medio ambiente, apoio a proxectos ambientais, etc.

Ademais, a empresa sempre mostrou o seu compromiso con Galicia, cos seus materiais e coas empresas galegas.

COAG foi nomeado socio de honra por ter a madeira como referente en todas as súas exposicións públicas así como por facer sempre unha defensa convencida deste material.

Ao longo dos anos, trasladou a importancia da construción sostible e respectuosa co medio ambiente para as cidades históricas e a promoción de novos profesionais comprometidos con este material.

Ademais, historicamente, sempre colaborou co Clúster na defensa do traballo que realizan as empresas do sector.

A Fundación Juana de Vega conta cun historial impecable en defensa da sustentabilidade, defensa dos recursos naturais e formación. Ademais, destaca pola promoción e axuda das obras galegas a través dos Premios de Arquitectura Juana de Vega.

Este recoñecemento súmase aos vínculos existentes entre o traballo desenvolvido pola Escola, como docente e investigadora, e o mundo da empresa e a economía.

O Clúster cre firmemente na importancia da formación e sensibilización dos usos da madeira dende as aulas. Só dende o coñecemento podemos avanzar no futuro

Tomás Alonso, como artesán cosmopolita, recolle todos os valores que en CMD tratamos de proxectar: utiliza materiais de forma sobria, suave e práctica e non hai fronteira entre arte e deseño.

A súa sensibilidade e o seu amor artístico pola madeira convérteno no mellor embaixador internacional do Clúster.

Entre as múltiples accións levadas a cabo pola Fundación, destaca a posta en marcha do Centro Nacional de Formación de Referencia en Materia de Rehabilitación, en colaboración con outro dos nosos socios de honra, o Consorcio de Santiago de Compostela. Este Centro será o primeiro de España de formación especializada e reciclaxe no ámbito da rehabilitación de traballadores e empresas da construción, formando cada ano a máis de 2.000 profesionais.

A súa aposta pola formación e a súa decidida defensa da madeira foron claves para ser este ano o socio de honra do Clúster.

A Universidade de Santiago de Compostela fai unha clara aposta polo coñecemento e a formación a través do Máster Universitario en Enxeñaría da Madeira Estrutural promovido por PEMADE (Plataforma de Enxeñaría da Madeira Estrutural), no Campus de Lugo, desde finais de 2008. Ademais, o traballo de potenciación destaca o valor da madeira como material de futuro, destacando este material en diferentes comparecencias públicas. O CMD tamén quixo destacar o esforzo da anterior dirección por crer e defender os valores da madeira, impulsando a construción da próxima Facultade de Medicina compostelá.

O economista, empresario e profesor Venancio Salcines leva anos traballando na defensa e apoio da madeira, do sector e da súa viabilidade económica. Ademais, comparte interesantes reflexións coas que axuda a difundir os valores da madeira na sociedade.

En 2020, tras o confinamento, a CMD asinou un convenio de colaboración co Clúster Saúde de Galicia para traballar conxuntamente na procura de solucións seguras e fiables no retorno á normalidade. O maridaxe saúde-madeira é indisoluble, agora máis que nunca, no que cobraron especial protagonismo conceptos como a biofilia, a sustentabilidade e a mellora da calidade de vida. O SERGAS está a realizar un importante labor para humanizar e contribuír a un maior benestar dos usuarios e do persoal sanitario.

En 2020, tras o confinamento, a CMD asinou un convenio de colaboración co Clúster Saúde de Galicia para traballar conxuntamente na procura de solucións seguras e fiables no retorno á normalidade. O maridaxe saúde-madeira é indisoluble, agora máis que nunca, no que cobraron especial protagonismo conceptos como a biofilia, a sustentabilidade e a mellora da calidade de vida. O SERGAS está a realizar un importante labor para humanizar e contribuír a un maior benestar dos usuarios e do persoal sanitario.